Supë me Thjerrëza
650 L
Të mbash një regjim vegan në Shqipëri nuk është gjithmonë e lehtë, sepse menuja jonë tradicionale është e pasur në bulmet dhe produkte mishi, prandaj kjo supë me thjerrëza është një recetë perfekte shumë e pasur në vlera ushqyese dhe në shije.
| Përgatitja | Koha e gatimit | Koha në total | Racione |
| 10 minuta | 45 minuta | 55 minuta | 2 Persona |
Përshkrim
Lista e përbërësve:
- 2 -3 lugë vaj ulliri
- 1 qepë e vogël, e grirë
- 1 karrotë, e qëruar dhe e prerë
- 2 thelpinj hudhre, te shtypura ose te grira
- 1/2 lugë çaji cumin të bluar
- 1/2 lugë çaji trumzë
- 1 domate
- 150 gr thjerrëza të shpëlarë
- 1 lugë çaji kripë
- 1/2 lugë çaj Piper
- 10 gr kale
- 1 limon
Fakte ushqyese
Për një pjatë
| Kalori | Yndyrna | Karbohidrate | Proteina | Sheqerna | Fibra |
| 366 | 15.5 g | 14.5 g | 47.8 g | 10.8 g | 10.8 g |
Udhëzime
Hapi 1
Ngrohni vajin e ullirit në një tenxhere të madhe në nxehtësi mesatare.
Hapi 2
Shtoni qepën dhe karrotën e grirë dhe gatuajeni derisa qepa të jetë zbutur dhe të bëhet e tejdukshme. Mund të nevojitet rreth 5 minuta.
Hapi 3
Shtoni hudhrën, cumin dhe trumzën. Lërini erëzat të skuqen derisa të lëshojnë aromën duke e përzier vazhdimisht, rreth 30 sekonda. Hidhni në të domatet (të qëruara nga lëkura) të prera në kubikë dhe ziejini edhe për disa minuta, duke i përzier shpesh.
 |
Hapi 4
Hidhni thjerrëzat, dhe rreth 3 gota uje (700 ml). Shtoni 1 lugë çaji kripë dhe piper. Ngrini temperaturën deri sa të filloj të zjej, më pas mbulojeni pjesërisht tenxheren dhe ulni nxehtësinë. Lëreni të ziej për 25 deri në 30 minuta, ose derisa thjerrëzat të jenë të buta.
 |
Hapi 5
Shtoni kalen e prerë në kubikë dhe gatuajeni edhe për 5 minuta të tjera, ose derisa zarzavatet të jenë zbutur sipas dëshirës tuaj. Hiqni tenxheren nga zjarri dhe hidhini 1 lugë gjelle lëng limoni. Provojeni dhe rregulloni kripën, piperin dhe lëngun e limonit. Për supë më pikante, shtoni një majë luge ose dy piper.
Hapi 6
Shërbejeni sa është e nxehtë. Mund të ruhet deri në 4 ditë në frigorifer.
