Pulë pikante me Chili për 2 persona
750 L
Për admiruesit e erëzave pikante, ju sjellim sot një copëz Meksike me këtë recete me pule, perime dhe Chili. Një pjatë plotë vlera ushqyese e cila mund të konsumohet me bukë ose oriz por dhe me një shijë komplekse ku shija pikante e erëzave bashkohet me freskinë e kosit
| Përgatitja | Koha e gatimit | Koha në total | Racione |
| 15 minuta | 35 minuta | 50 minuta | 2 Persona |
Përshkrim
Lista e përbërësve:
- 250 gr fileto pule
- 2 domate
- 1 luge vaj ulliri
- 1 qepë të verdhë të grirë
- 1 thelpi hudhre, e grirë
- 1 speci i vogël jeshile, i prerë
- 1 spec i kuq i vogël, i prerë
- ½ lugë çaji kripë
- ½ lugë çaji Chili
- ½ lugë çaji cumin të bluar
- Majdanoz për servirje
Fakte ushqyese
Për një pjatë
| Kalori | Karbohidrate | Sheqerna | Yndyrna | Proteina | Fibra |
| 226 | 19.68 g | 5.7 g | 8 g | 19.72 g | 6.1 g |
Udhëzime
Hapi 1
Zieni filetot e pulës për 10 minuta dhe me pas copëtojini duke përdorur dy pirunj.
Hapi 2
Ngrohni vajin në një tenxhere të madhe me zjarr mbi mesatar. Shtoni qepët dhe hudhrat dhe gatuajeni rreth 3 minuta. Shtoni specat, kripën, Chilin, cumin dhe gatuajeni duke e trazuar për 2 minuta.
Hapi 3
Rritni nxehtësinë; shtoni domatet dhe pas 3 minutash shtoni pulën. Lëngu i domateve parashikohet të jetë i mjaftueshem për të ndihmuar në zierje. Nëse ka nevojë për më shumë ujë, shtoni me sy një sasi nga lëngu i pulës. Mbulojeni dhe lëreni të zihet, duke e përzier herë pas here për 30 minuta. Shtoni majdanozin.
