Pispili me Spinaq
790 L
Për adhuruesit e bulmetit, kjo pispili i ka të gjitha: qumësht, kos, gjizë, gjalp dhe djathë.
| Përgatitja | Koha e gatimit | Koha në total | Sasia |
| 10 minuta | 2 orë 15 minuta | 2 orë 25 minuta | 8 -10 Racione |
Përshkrim
Lista e përbërësve:
- 600g Spinaq
- 250ml Qumësht
- 50g Nenexhik
- 100g Gjizë
- 100ml Kos
- 300g Miell Misri
- 10g Gjalpë
- 100 ml Vaj
- 1 tufë Kopër
- 1 tufë Majdanoz
- 50g Djathë të bardhë
- 1 luge caji kripe
- 1 kokërr vezë
Fakte ushqyese:
Kalori | Yndyrna | Karbohidrate | Sheqerna |
342 | 19 g | 160 g | 1 g |
Burimi: https://www.youtube.com/watch?v=nyAPtUQaD3s
Udhëzime
Hapi 1
Spinaqin e larë e presim dhe e bëjmë gati për zierjen.
Hapi 2
Në një tenxherë hidhni 50 ml vaj, shtoni spinaqin dhe kripën. Skuqeni për 4-5 minuta që të bjeri volumi i spinaqit. Shtoni 360 ml ujë.
Hapi 3
Prini hollë nenexhikun, kopërin dhe majdanozin dhe shtojani spinaqit. Në një tas hidhni qumështin, vezën dhe 25 ml vaj ulliri. Masën e përgatitur e shtojmë tek spinaqi.
Hapi 4
Pasi të jenë zier për 2-3 minuta fikni zjarrin. Nisni të hidhni miellin në tenxhere pak nga pak dhe ta trazoni mirë qe mielli të shkrihet në nxehtësinë e tenxheres. Shtoni pjesën e mbetur të vajit të ullirit dhe vazhdoni të shtoni miellin deri në fund. Kur të jetë gati brumi duhët të jetë i butë dhe i lirshëm.
Hapi 5
Shtoni gjizën dhe ½ sasi të kosit dhe përziejeni përsëri. Masën e kaloni në një tavë të lyer me vaj ulliri. Sipër shtojini grimëcat e djathit dhe sipërfaqen e pispilise e lyejmë me kos. Shtojmë copa të vogla gjalpi për t’i dhënë shije dhe t’a mbajë sipërfaqen e butë.
Hapi 6
Piqeni në 200 gradë për 1 orë.
