Pilaf me Pulë
1,600 L
Dikur e diela në çdo familje të Shqipërisë së Mesme, vinte me një tavë me pilaf dhe mish që ishte sa e thjeshtë aq dhe e shijshme. Sot për nostalgjinë tuaj ne ju sjellim ingredientët që ta përgatisni përsëri, sepse fundja kjo recetë nuk del kurrë nga moda.
| Përgatitja | Koha e gatimit | Koha në total | Racione |
| 30 minuta | 30 minuta | 60 minuta | 4 Persona |
Përshkrim
Lista e përbërësve:
- 400 gr oriz të bardhë
- 1 zog pule
- 1 qepë e vogël
- 2 lugë gjalp
- Kripë, Piper, Rigon
Fakte ushqyese
Për një pjatë
| Kalori | Yndyrna | Proteina | Karbohidrate | Sheqerna |
| 200 | 5 g | 15 g | 30 g | 3 g |
Llogaritja e kalorive është e përafërt.
Udhëzime
Hapi 1
Pastroni mishin e pulës dhe vendoseni të ziej në ujë të bollshëm. Shtoni kripën, piperin dhe rigonin.
Hapi 2
Ndërkohë grini qepën imët dhe vendoseni të skuqet me gjalpin. Kur qepa të ketë marr ngjyrë të artë shtoni orizin dhe skuqeni për 2-3 minuta.
Hapi 3
Kur mishi i pules të jetë zier deri sa të jetë zbutur, vendoseni të piqet në furrë për 10-15 minuta. Kjo është një kohë e mjaftueshme për të thekur sipërfaqen e pulës. Më pas hiqeni nga tepsia dhe ruajeni mënjanë.
Shënim: Ruajeni ujin me të cilin ziet pulët sepse do të përdoret për orizin
Hapi 4
Hidhni orizin në tepsi. Shtoni lëngun e mishit në të.
Kujdes: një masë oriz, ka nevojë për dy masa lëng mishi për tu gatuar. Nëse lëngu i mishit nuk mjafton, shtoni ujë të nxehtë.
Hapi 5
Përzieni orizin me lëngun, vendosni mishin e pulës në tavë dhe vendoseni në furrë me 180 gradë temperaturë dhe lëreni të gatuhet derisa lëngu të ketë avulluar plotësisht ose kur mbi sipërfaqen e orizit të jenë formuar vrima.
