Krem Karamel
800 L
Krem Karameli është një ëmbëlsirë delikate, plot finesë dhe shije fantastike.
| Pergatitija | Koha e Gatimi | Koha në total | Sasia |
| 30 min | 50 min | 1 ore e 20 min | 8-10 Racione |
Përshkrim
Lista e përbërësve:
Për përgatitjen e karamelit
- 150 gramë sheqer
- 50 ml ujë
Për përgatitjen e kremit
- 1 l qumësht
- 100 gramë sheqer
- 6 kokrra vezë
- Dy lugë të vogla vanilje
Fakte ushqyese
Kalori |
149 kcal |
Video: Krem Karamel | E thjesht, E Shpejte, RECETA ORIGJINALE – YouTube
Udhëzime
Hapi 1
Ndezim furrën në 180 gradë për ta ngrohur.
Përgatisim karamelin duke hedhur në një xhezve të madhe ose tenxhere të vogël sheqerin dhe ujin. I vendosim në zjarr mesatar deri sa të marrë ngjyrën kafe të errët të karameles.
Hapi 2
Ashtu siç është karameli i nxehtë e hedhim në kupa e aluminit ose enë qelqi të trashë ku do ta pjekim.
Hapi 3
Nga ana tjetër nisim përgatitjen e kremit. Hedhim në një enë vezët, sheqerin dhe vaniljen dhe i trazojmë mirë deri sa masa të jetë homogjene. Shtojmë pak nga pak qumështin qe e kemi ngrohur parapraksiht duke e trazuar.
Sigurohemi që qumështi mos te jete i nxehtë pasi priten vezët.
Hapi 4
Masën e përgatitur e shtojmë tek enët ku kemi hedhur karamelen e shkrirë.
Enën me krem karamel e vendosim në tepsi/tavë dhe tavën e mbushim me ujë deri në gjysëm (banjomari). Tavën mund ta mbuloni me letër alumin.
Hapi 5
I fusim në furrë për pjekje me 180 gradë për 30 minuta derisa kremi të mpikset.
Pasi fikim furrën i lëmë edhe pak në ngrohjen e furrës dhe kur e servirim, sipas preferencës mund ta përmbysim në mënyrë që pjesa e sipërme të jetë e mbuluar nga karameli.
