Byrek me gjethe jeshile
950 L
Kur ju shkon mendja për byrek, por nuk keni kohë të shtroni petët një e nga një, ka një zgjidhje të ofruar nga ne. Kjo recetë që përgatitet në më pak se një orë do të bëj të gjithe familjen të kërkoj byrek çdo javë.
| Përgatitja | Koha e gatimit | Koha në total | Sasia |
| 30 minuta | 30 minuta | 60 minuta | 4-6 persona |
Përshkrim
Lista e përbërësve:
- 1 presh të plotë
- 1 qepë të vogël të kuqe
- 2 thelpinj hudhër
- 300 gramë spinaq
- 60 gramë majdanoz
- 150 grame djathë të bardhë të kripur
- 2 peta sfoliat
- 50 ml Vaj ulliri
- 1 luge caji kripe
Fakte ushqyese
Për një copë
| Kalori | Yndyrna | Karbohidrate | Sheqerna |
| 342 | 19 g | 160 g | 1 g |
Udhëzime
Hapi 1
Prini në kubik të vegjël qepën, preshin, hudhrën dhe copëtoni spinaqin dhe majdanozin.
Hapi 2
Në një tigan të madh ose tenxhere nisni të kaurdisni në vaj ulliri, qepën, më pas shtoni hudhrën dhe dy minuta më vonë të gjithë sasinë e preshit. Shtoni një gjysëm gote ujë dhe lëreni të skuqet për disa minuta duke e trazuar herë pas here.
Hapi 3
Kur preshi të jetë pothuajse i skuqur, shtoni spinaqin dhe majdanozin dhe lëreni të qëndroj derisa volumi i spinaqit dhe majdanozit të ulet. Shtoni kripen dhe me tej djathin e bardhë, i cili ka nevojë të skuqet për 2 deri në 3 minuta derisa të homogjenizohet me masën.
Hapi 4
Tani që mbushja është përgatitur, jemi gati të shtrojmë byrekun. Marrim petën e parë sfoljat dhe e vendosim në tepsi. Përdorni letren e kuzhinës që përmban peta në paketim për të shmangur ngjitjen e brumit në tavë.
Hapi 5
Hidhni mbushjen dhe shtrojeni njëtrajtësisht në tavë dhe më pas shtoni petën e dytë. Ngjisni të dyja petët më duar.
Hapi 6
Piqeni në furrë në 180 gradë derisa sipërfaqja e byrekut të bëhet e artë.
